Regionumuzda basketbol idman növünə maraq artmaqdadır.

Lənkəran-Astara Regional Təhsil İdarəsinin təşkilatçılığı ilə Cəlilabad və Lənkəran rayonlarının ümumtəhsil məktəblərinin basketbol komandaları arasında yoldaşlıq görüşü keçirilib. Həm oğlan, həm də qız şagirdlərdən ibarət 4 komandanın mübarizə apardığı qarşılaşma sonunda Cəlilabad rayonunu təmsil edən komanda qalib gəlib.
 

Lənkəran-Astara Regional Təhsil İdarəsi və Lənkəran Dövlət Universitetinin birgə təşkilatçılığı ilə keçirilən Zona Fənn Olimpiadasının qaliblərinin mükafatlandırılma mərasimi keçirilib.

Eyni zamanda Bakı Musiqi Akademiyasının istedadlı tələbələri Lənkəran Dövlət Universitetində dahi bəstəkar Üzeyir Hacıbəylinin anadan olmasının 140 illik yubileyinə və 28 May – Müstəqillik Gününə həsr olunmuş konsert proqramı ilə çıxış ediblər.

28 May – Müstəqillik Günü ilə əlaqədar təhsil müəssisələrimizdə silsilə tədbirlər keçirilib.

#MüstəqillikGünü ilə bağlı Lənkəran-Astara Regional Təhsil İdarəsinin tabeliyində fəaliyyət göstərən təhsil müəssisələrində bir sıra tədbirlər həyata keçirilib.

Masallıda “Zərərli vərdişlər və erkən nikahın fəsadları” mövzusunda konfrans keçirilib.

Masallı Heydər Əliyev Mərkəzində #KonstitusiyavəSuverenlikİli çərçivəsində “Zərərli vərdişlər və erkən nikahın fəsadları” mövzusunda konfrans keçirilib.

PISA 2025 Beynəlxalq Qiymətləndirməsi yekunlaşdı.

Qiymətləndirmə 12-22 may tarixlərini əhatə etməklə 8 gün ərzində mərkəzləşmiş qaydada həyata keçirilib. Lənkəran-Astara Regional Təhsil İdarəsinin tabeliyində olan 6 rayon (şəhər) üzrə 22 təhsil müəssisəsinin 535 nəfər şagirdi qiymətləndirməyə cəlb edilib. İmtahan prosesi beynəlxalq standartlara uyğun şəkildə, şəffaflıq və texniki göstəricilər nəzərə alınmaqla təşkil olunub.

"Narkomaniya ümumbəşəri bəladır!" mövzusunda məktəblilərlə görüş keçirilib.

Lənkəran Şəhər Rayon Polis Şöbəsinin təşkilatçılığı ilə "Narkomaniya ümumbəşəri bəladır!" mövzusunda rayon məktəbliləri ilə görüş keçirilib.

Tədris digər dildə aparılan bölmələr üzrə müsahibəyə start verilib.

Mayın 19-dan etibarən Lənkəran-Astara Regional Təhsil İdarəsinin tabeliyindəki ümumi təhsil müəssisələrinin tədris digər dildə aparılan bölmələri üzrə uşaqların I sinfə qəbulu üçün müsahibələrə start verilib.

Mayın 18-də ölkə üzrə bütün dövlət ümumi təhsil müəssisələrinin VI siniflərində monitorinq keçirilib.

Lənkəran-Astara Regional Təhsil İdarəsi üzrə 62 mərkəzdə baş tutan monitorinqdə 11 min nəfərdən çox şagird iştirak edib.

İntellektual məktəb çempionatının zona mərhələsi yekunlaşıb.

Lənkəran rayon Sütəmurdov kənd tam orta ümumtəhsil məktəbində “Konstitusiya və Suverenlik İli” çərçivəsində intellektual məktəb çempionatının zona mərhələsi keçirilib.

Mayın 17-də ölkə üzrə bütün dövlət ümumi təhsil müəssisələrinin IV siniflərində monitorinq keçirilir.

Monitorinq tədris dili və riyaziyyat fənləri üzrə aparılır. Qeyd edək ki, monitorinqin nəticəsi şagirdlərin summativ qiymətləndirmə ballarına, eləcə də onların sinifdən-sinifə keçmələrinə təsir göstərmir.

#ƏnYaxşıTəqdimat müsabiqəsində III dərəcəli diploma layiq görülən Lerik şəhəri 3 nömrəli tam orta ümumtəhsil məktəbinin şagirdi Sübhan Seyfullazadənin “Azərbaycan müəllimi”nə müsahibəsini aşağıdakı linkdən oxuya bilərsiniz:

#ƏnYaxşıTəqdimat müsabiqəsində III dərəcəli diploma layiq görülən Lerik şəhəri 3 nömrəli tam orta ümumtəhsil məktəbinin şagirdi Sübhan Seyfullazadənin “Azərbaycan müəllimi”nə müsahibəsini aşağıdakı linkdən oxuya bilərsiniz:

►https://shorturl.at/n5gW2

PISA 2025 Beynəlxalq Qiymətləndirməsinə start verildi.

Qiymətləndirmənin ilk mərhələsində Masallı, Lerik və Yardımlı rayon məktəblərində təhsil alan şagirdlər iştirak ediblər. İmtahan mərkəzi olaraq Lənkəran şəhəri 7 nömrəli tam orta ümumtəhsil məktəbi seçilib.

Respublika Fənn Olimpiadaları yekunlaşdı və 14 şagirdimiz uğurlu nəticə göstərdi.

RFO qaliblərini təbrik edir, hər birinə müvəffəqiyyətlər arzulayırıq! 

#CodeCRAFTERS komandası "FLL Challenge 2025"də uğur qazanıb.

Lənkəran STEAM Mərkəzində hazırlıq keçən "Code CRAFTERS" komandası "FIRST LEGO League Challenge" respublika turnirində İnnovativ Layihə nominasiyası üzrə 3-cü yerə layiq görülərək kubokla təltif olunub.

Lənkəran-Astara regionunda ümummilli lider Heydər Əliyevin anadan olmasının 102-ci ildönümündə - 10 mayda 10 məktəbəqədər təhsil müəssisəsi istifadəyə verilib.

Lənkəranda şəhər 3 və 7 nömrəli, Astarada şəhər 3 nömrəli, Təngərüd, Şiyəkəran və Şahağac kənd körpələr evi-uşaq bağçaları, Cəlilabadda şəhər 1 nömrəli körpələr evi-uşaq bağçası, Masallıda şəhər 4 nömrəli, Qızılağac kənd uşaq bağçası təmirdən sonra istifadəyə verilib, Ərkivan qəsəbə 2 nömrəli körpələr evi-uşaq bağçası isə yeni fəaliyyətə başlayıb. Bağçaların istifadəyə verilməsi münasibətilə keçirilən açılış mərasimlərində müvafiq olaraq Lənkəran Şəhər İcra Hakimiyyətinin başçısı Taleh Qaraşov, Astara Rayon İcra Hakimiyyətinin başçısı Qəzənfər Ağayev, Cəlilabad Rayon İcra Hakimiyyətinin başçısı Rafiq Cəlilov, Masallı Rayon İcra Hakimiyyətinin başçısı Araz Əhmədov və Lənkəran-Astara Regional Təhsil İdarəsinin müdiri Bəhruz Mehdiyev iştirak ediblər.