Məktəbəqədər təhsil müəssisələrinin rəhbərləri ilə görüş keçirilib.

Görüşdə Lənkəran-Astara Regional Təhsil İdarəsinin rəhbər heyəti, idarənin tabeliyində olan rayonlar üzrə təhsil sektorlarının müdirləri və müvafiq əməkdaşları, məktəbəqədər təhsil müəssisələrinin rəhbərləri iştirak ediblər.

Respublika Fənn Olimpiadalarının rayon (şəhər) mərhələsi yekunlaşıb.

28-29 dekabr tarixlərində ümumi təhsil müəssisələrimizin VIII-XI sinif şagirdləri informatika fənni üzrə olimpiadaya qoşulublar. Olimpiadada Lənkəran-Astara Regional Təhsil İdarəsinin tabeliyində fəaliyyət göstərən ümumi təhsil müəssisələrindən ümumillikdə 213 nəfər şagird 6 mərkəzdə biliyini sınayıb.

Respublika Fənn Olimpiadalarının rayon (şəhər) mərhələsi keçirilib.

Olimpiadada Lənkəran-Astara Regional Təhsil İdarəsinin tabeliyində fəaliyyət göstərən ümumi təhsil müəssisələrindən ümumillikdə 4518 nəfər şagird 12 mərkəzdə biliyini sınayıb.

IX siniflər üçün sınaq imtahanı keçirilib.

20-21 dekabr tarixlərində Lənkəran-Astara Regional Təhsil İdarəsi tərəfindən IX sinif şagirdləri üçün sınaq imtahanı keçirilib. Region üzrə 132 mərkəzdə 9515 şagird onlayn olaraq sınaq imtahanında iştirak edib.

2024-cü ildə uğurlu nailiyyətlərə imza atmış 200 nəfərə yaxın şagird və müəllimlərimiz təltif olundu. 

İlk olaraq şagirdlərimizin əl işlərindən və qalib layihələrdən ibarət sərgiyə baxış keçirilib. Təltifetmə mərasimi şəhidlərimizin əziz xatirəsinin 1 dəqiqəlik sükutla yad olunması və Dövlət Himnimizin səsləndirilməsi ilə başlayıb.

Məktəblilərimiz qarşıdakı respublika turnirinə hazırlaşır. 

STEAM Azərbaycan layihəsinin təşkilatçılığı ilə "JosephCUP" adlı "VEX Robotics" yarışının 10-15 yaşlı məktəblilər üçün "VEX IQ" kateqoriyası üzrə, 14-17 yaşlı məktəblilər üçün isə "VEX V5" kateqoriyası üzrə Azərbaycan turniri keçiriləcək! 

Təhsil idarəsinin kollektivi müstəqil Azərbaycanın memarı və qurucusu ümummilli lider Heydər Əliyevin abidəsini ziyarət edib.

Dekabrın 12-də Lənkəran-Astara Regional Təhsil İdarəsinin kollektivi Lənkəran şəhərində ucaldılan ulu öndər Heydər Əliyevin abidəsini ziyarət edib. Abidə önünə gül-çiçək dəstələri düzülüb, ümummilli liderin anım gününün 21-ci ildönümündə əziz xatirəsi dərin ehtiramla yad edilib.

Vətəndaş məmnuniyyəti mexanizmlərinin qurulması və təkmilləşdirilməsi də əsas hədəflərimizdəndir.

Lənkəran-Astara Regional Təhsil İdarəsinin müdiri Bəhruz Mehdiyev Astara rayonunda vətəndaş qəbulu keçirib.

İdarə müdiri Astarada təhsilverənlərlə görüş keçirib.

Lənkəran-Astara Regional Təhsil İdarəsinin müdiri Bəhruz Mehdiyev Astara rayonunda Azərbaycan dili, riyaziyyat və xarici dil fənlərini tədris edən müəllimlərlə görüş keçirib.

“Korrupsiyaya qarşı mübarizə üzrə maarifləndirmə” mövzusunda silsilə tədbirlər keçirilib. 

Yardımlı, Masallı, Astara, Cəlilabad, Lerik və Lənkəran rayonunda “Korrupsiyaya qarşı mübarizənin gücləndirilməsinə dair 2022−2026-cı illər üçün Milli Fəaliyyət Planı”nın icrası məqsədilə Azərbaycan Respublikası Elm və Təhsil Nazirliyinin İş Planına uyğun olaraq “Korrupsiyaya qarşı mübarizə üzrə maarifləndirmə” mövzusunda tədbir keçirilib. 

Ümumtəhsil müəssisələrinin rəhbərləri ilə növbəti görüş keçirilib.

Lənkəran-Astara Regional Təhsil İdarəsinin tabeliyində fəaliyyət göstərən ümumtəhsil müəssisələrinin rəhbərləri ilə keçirilən görüşdə beynəlxalq və respublika fənn olimpiadalarına, layihə müsabiqələrinə şagirdlərin cəlb olunması və yüksək nəticə göstərmələri üçün müvafiq işlərin aparılması, tədrisin keyfiyyətinin artırılması və düzgün idarəolunması ilə nəticəyönümlülüyün əldə olunması və qarşıda duran hədəflər müzakirə olunub.

Şagirdlər üçün məşğələlərimiz, müəllimlər üçün isə təlimlərimiz uğurlu şəkildə davam edir.

Azərbaycan Respublikasının Təhsil İnstitutu və İnnovasiya və Rəqəmsal İnkişaf Agentliyinin birgə əməkdaşlığı çərçivəsində Lənkəran şəhərində VII sinif şagirdləri üçün xüsusi hazırlıq dərsləri davam edir. Həmçinin xüsusi proqram əsasında 24 nəfər riyaziyyat və 24 nəfər informatika müəllimlərinə də təlimlər keçirilib.

Ümumi təhsil müəssisələrində təhsilalanların sağlamlıq vəziyyətinin qiymətləndirilməsi məqsədilə müvafiq sorğuların aparılması və profilaktik müayinələr həyata keçirilib.

Lənkəran-Astara Regional Təhsil İdarəsinin əhatə dairəsində olan rayonlar üzrə ümumi təhsil müəssisələrində təhsilalanların sağlamlıq vəziyyətinin qiymətləndirilməsi məqsədilə müvafiq profilaktik müayinələr həyata keçirilib.

Lənkəran-Astara Regional Təhsil İdarəsi tərəfindən SİM platforması vasitəsilə onlayn olaraq məktəb idarəçilərinin hazırlanması prosesinə start verilib.

16 oktyabr 2024-cü il tarixində elan olunmuş Lənkəran-Astara Regional Təhsil İdarəsinin tabeliyində fəaliyyət göstərən ümumtəhsil müəssisələrində olan vakant tədris işləri üzrə direktor müavinlərinin müsabiqəsində iştirak edən namizədlər üçün 21 noyabr 2024-cü il tarixindən etibarən SİM platforması üzərindən onlayn hazırlıq proqramının həyata keçirilməsinə başlanılıb.

Müəllimlərimiz təlimlərə cəlb olunublar.

Təhsilverənlərin peşəkarlığının artırılması məqsədilə Lənkəran-Astara Regional Təhsil İdarəsinin tabeliyində fəaliyyət göstərən bütün ümumi təhsil müəssisələrində müxtəlif mövzular üzrə təlimlər təşkil edilib:

► Alt standartlardan təlim nəticələrinin müəyyənləşdirilməsi;

► Qiymətləndirmə meyarlarının müəyyənləşdirilməsi;

► Gündəlik planlaşdırma və s.