Respublika fənn olimpiadalarına start verilir

Yanvarın 15-də Təhsil Nazirliyi tərəfindən ölkənin bütün şəhər və rayonlarında Respublika fənn olimpiadalarının birinci–rayon (şəhər) mərhələsinə start veriləcək.

2300 nəfərədək müəllim üçün diaqnostik qiymətləndirmə

Yanvarın 10-da ötən illərdə diaqnostik qiymətləndirmədə müxtəlif səbəblərdən iştirak edə bilməyən və ya işə yeni qəbul edilən müəllimlərin qiymətləndirilməsinə start verilib. Azərbaycan Memarlıq və İnşaat Universitetində keçirilən qiymətləndirmədə 2300 nəfərədək müəllimin iştirakı nəzərdə tutulur.

IX sinif buraxılış imtahanlarında yeniliklər haqqında zona seminarı.

06 yanvar 2017-ci il  tarixdə Lənkəran Şəhər Təhsil Şöbəsinin əməkdaşlarının iştirakı  ilə rayonun Liman 1№ li tam orta məktəbində 2017-ci ildə ümumi orta təhsil səviyyəsi ( 9 illik) üzrə buraxılış imtahanının yeni modelinə dair  zona seminarı  keçirilmişdir.

Diaqnostik qiymətləndirmədən keçən müəllimlərin əməkhaqqı artırılıb

2017-ci il yanvarın 1-dən dövlət ümumi təhsil müəssisələrində çalışan 38 minə yaxın müəllimin əməkhaqqı artırılıb. Bu artım ötən ilin noyabr-dekabr aylarında ölkənin 26 şəhər və rayonunda diaqnostik qiymətləndirilmədən keçən və dövlət ümumi təhsil müəssisələrində çalışan müəllimlərə şamil olunacaq.

Təhsil naziri Şirvan şəhərində vətəndaşları qəbul edəcək

Təhsil naziri Mikayıl Cabbarov 16 yanvar 2017-ci il tarixində saat 11:00-da Şirvan şəhərindəki Olimpiya Kompleksində mərkəzi icra hakimiyyəti orqanları rəhbərlərinin 2017-ci ilin yanvar ayında şəhər və rayonlarda vətəndaşların qəbulu cədvəlinə uyğun olaraq, Sabirabad, Saatlı, İmişli rayon və Şirvan şəhər sakinlərini qəbul edəcək.

Rayonun  Xanbulan  kənd   tam orta   məktəbində “Həyatının təhlükəsizliyi sənin öz əlindədir” mövzusunda maarifləndirici  tədbir kecirildi.

Azərbaycan Respublikası Fövqəladə Hallar Nazirliyinin Cənub Regional Mərkəzi ilə Lənkəran  Şəhər  Təhsil  Şöbəsinin 2016-ci il    tədbirlər planına uyğun  olaraq cari ilin dekabr ayının 29-da rayonun Xanbulan kənd   tam orta   məktəbində “Həyatının təhlükəsizliyi sənin öz əlindədir” mövzusunda maarifləndirici  tədbir kecirildi.

28 dekabr 2016-cı il tarixdə rayonun ümumtəhsil məktəbləri rəhbərlərinin iştirakı ilə seminar keçirilmişdir.

Seminarda Təhsil Şöbəsinin müdiri Ş. Əhmədova işçirakçıları gündəlik haqqında məlumatlandırmışdır.  Sonra  ŞTŞ-nın müdir müavini G. Bağırov  və metodist  R.Mirzəzadə  Azərbaycan Respublikasının Nazirlər Kabinetinin 12 dekabr 2016-cı il tarixli,  498 nömrəli qərarı ilə təsdiq olunmuş

“Elektron Təhsil” müsabiqəsinin qalibləri mükafatlandırılıb

Dekabrın 29-da Təhsil Nazirliyində “Elektron Təhsil” Respublika müsabiqəsi qaliblərinin mükafatlandırılması mərasimi keçirilib.

Tədbirdə təhsil nazirinin müavini Ceyhun Bayramov, Bakı Şəhəri üzrə Təhsil İdarəsinin müdiri Məhəbbət Vəliyeva, nazirliyin müvafiq şöbə və struktur bölmələrinin rəhbərləri, müsabiqənin təşkilində iştirak edən qurumların nümayəndələri, müsabiqə qalibləri və KİV təmsilçiləri iştirak ediblər.

Tədbirdə çıxış edən təhsil nazirinin müavini Ceyhun Bayramov bildirib ki, 2010-cu ildən etibarən keçirilən "Elektron Təhsil" Respublika müsabiqəsinə ümumilikdə 6000-dən artıq layihə təqdim edilib.

Nazir müavini qeyd edib ki, müsabiqənin keçirilməsində əsas məqsəd elektron tədris resurslarının, internet texnologiyalarının tədris prosesinə tətbiqini fəallaşdırmaq, təhsil ictimaiyyətini məlumatlandırmaq, tədris məqsədləri üçün internetdən istifadənin yeni üsullarını öyrənmək, tədris prosesində informasiya texnologiyalarından fəal istifadə edən müəllimləri həvəsləndirməkdən ibarətdir.

28  dekabr  2016- cı il tarixdə Şəhər Təhsil Şöbəsi Təhsil  Şurasının növbəti iclası keçirilmişdir.

Şura iclasında rayonun Tükəvilə və Şirinsu kənd tam orta məktəblərində aparılmış monitorinqin nəticələri, şəhər 3 №-li, Viravul kənd 2 №-li, Zövlə Parakənd və Səpnəkəran kənd tam orta məktəblərində şagirdlərin dərsliklərlə təminatı və onların qorunub saxlanılması  işlərinin vəziyyəti, şəhər 10 №-li, Viravul 1 №-li, Osaküçə, Gəgiran və Nərimanabad kənd tam orta məktəblərində dərs bölgüsünün aparılması vəziyyəti haqqında məsələlər müzakirə  olunmuş və müvafiq  qərarlar qəbul edilmişdir.

Bacı-qardaşın qələbə sevinci

Elnar Məmmədli Teymur bəy Bayraməlibəyov adına Lənkəran şəhər 2 nömrəli tam orta məktəbin I “b” sinif şagirdidir. Qeyri-adi istedadı ilə fərqlənən Elnar çoxlu şeirlər , nağılllar söyləyir, ingilis dilində kitablar oxuyur və lüğət vasitəsi ilə tərcümələr edir. O, 3 və 4 rəqəmli ədədlər ilə toplama , çıxma və bölmə əməllərini asanlıqla yerinə yetirir, vurma cədvəlini əzbərdən söyləyir. Elnar Məmmədli və 4 yaşlı bacısı Nuray Məmmədli Lənkəran şəhər Şahmat Məktıbində şahmatla da məşğul olurlar. Onlar son illərdə rayon və respublika miqyasında keçirilən yarışlarda bir sıra uğurlar qazanıblar.

Təhsil Şöbəsi əməkdaşları ilə seminar keçirilmişdir.

26  dekabr  2016-cı il tarixdə Şəhər Təhsil Şöbəsi əməkdaşlarının iştirakı ilə seminar keçirilmişdir. Seminarı ŞTŞ-nın müdiri Ş.Əhmədova açmışdır. Gündəlik haqqında məlumat verilmişdir.Sonra Şöbənin müdir müavini G.Bağırov və metodist R.Mirzəzadə Azərbaycan Respublikası Nazirlər Kabinetinin 12 dekabr 2016-cı il tarixli, 498 nömrəli qərarı ilə təsdiq edilmiş

Lənkəranda şəhid Qalib Zülfüqarlının xatirəsi anılıb.

Lənkəran şəhərində ki,7 N-li tam orta məktəbdə təhsil ocağının məzunu olmuş,silahlı qüvvələrin şəhid zabiti Qalib Zülfüqarlının doğum günü ilə əlaqədar tədbir keçirilib.Mərasimdə məktəbin direktoru Ülviyyə Əliyeva şəhid zabitin qısa,lakin mənalı ömür yolundan danışıb.İgid zabit 2015-ci il martın 27- də Azərbaycan-Ermənistan sərhədinin Qazax rayonu ərazisində düşmən təxribatının qarşısını alarkən şəhid olub.Qalib Zülfüqarlı ölümündən sonra “Hərbi xidmətdə fərqlənməyə görə” 3-cü dərəcəli medalla təltif edilib.

Ən yüksək nəticə

Rayonumuzun Sütəmurdov kənd tam orta məktəbinin ali təhsilli riyaziyyat müəllimi Aslanlı Günel Aslan qızı Masallı şəhərində keçirilmiş müəllimlərin diaqnostik qiymətləndirilməsində ən yüksək nəticə  göstərmiş və 60 bal toplamışdır.

Daha iki müəllim maksimum bal topladı

Dekabrın 20-də Masallıda keçirilən Lənkəran, Astara, Lerik və Yardımlı rayonlarının dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsində iki nəfər müəllim yüksək nəticə göstərib.

Rayonlar üzrə diaqnostik qiymətləndirmə başa çatıb

Dekabrın 20-də  Lənkəran, Astara, Lerik və Yardımlı rayonlarının dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsi başa çatıb. Üç gün davam edən imtahanlarda 7500 nəfərdən çox müəllim iştirak edib.