12.04.2026
Kenquru Beynəlxalq Riyaziyyat Müsabiqəsinin ilk mərhələsi keçirilib.
12 aprel tarixində Lənkəran-Astara Regional Təhsil İdarəsinin tabeliyində fəaliyyət göstərən ümumi təhsil müəssisələrinin II-X sinif şagirdləri arasında Kenquru Beynəlxalq Riyaziyyat Müsabiqəsi keçirilib. Azərbaycan Respublikası Təhsil İnstitutunun təşkilatçılığı ilə baş tutan müsabiqədə region üzrə 17 mərkəzdə 4390 nəfər şagird iştirak edib.
Kenquru Beynəlxalq Riyaziyyat Müsabiqəsi hər il, mərkəzi Fransa olan Sərhədsiz Kenquru Assosiasiyasının razılığı ilə, dünyanın 80-dən çox ölkəsində keçirilir. Müsabiqənin əsas məqsədi ümumi təhsil müəssisələrinin II-X sinif şagirdlərinin riyaziyyat üzrə bilik və bacarıqlarını qiymətləndirmək və onların riyaziyyata olan marağını artırmaqdır.
Qeyd edək ki, final mərhələsində iştirak etmək üçün əlavə ödəniş tələb olunmur.
