Bu il sertifikasiya imtahanlarına cəlb olunacaq Masallı rayonunun ümumtəhsil məktəblərində çalışan təhsilverənlər üçün sertifikatlaşdırma prosesi ilə bağlı məlumatlandırıcı və dəstək xarakterli görüş keçirilib.

Görüşdə Lənkəran-Astara Regional Təhsil İdarəsinin Tədrisin keyfiyyəti sektorunun müdiri Hafiz Pənahov, Masallı rayonu üzrə təhsil sektorunun müdiri Elman Rzayev və imtahanlarda iştirak edəcək müəllimlər iştirak ediblər.

Tədbir zamanı sertifikatlaşdırma prosesinin mahiyyəti, mərhələləri və məzmunu ətrafında geniş müzakirələr aparılıb. Təhsilverənlərə bu prosesin onların karyera inkişafına və gələcəkdə həyata keçiriləcək əməkhaqqının stimullaşdırılması tədbirlərinə təsiri barədə ətraflı məlumat verilib.

Görüşün sonunda müəllimlərin sualları cavablandırılıb, onları maraqlandıran məqamlara aydınlıq gətirilib.

Qeyd edək ki, sertifikatlaşdırma prosesində iştirak edəcək təhsilverənlərə dəstək məqsədilə Lənkəran-Astara Regional Təhsil İdarəsinin tabeliyində olan digər rayonlarda da görüşlərin keçirilməsi nəzərdə tutulur.

#LənkəranAstaraRTİ #EduAz #MÜTDA #MasallıRayonuÜzrəTəhsilSektoru #görüş #sertifikatlaşdırılma