Lənkəran-Astara Regional Təhsil İdarəsinin müdiri Bəhruz Mehdiyev ötən həftə Elm və Təhsil Nazirliyinin təşkilatçılığı ilə keçirilən “Sabahın alimləri” XIV Respublika Layihə Müsabiqəsində finalda yarışacaq şagirdlər və onların müəllimləri ilə görüş keçirib. Görüşdə şagirdlər layihələri haqqında məlumat veriblər və hazırlıq prosesindən danışıblar.

Bəhruz Mehdiyev müsabiqənin əhəmiyyətini və şagirdlərin elmi layihələrə qatılmasının onların inkişafı üçün vacib olduğunu vurğulayıb. O, həmçinin şagird və müəllimlərin yaradıcılıq potensialını artırmaq məqsədilə bir sıra tövsiyələr verib, bu kimi təşəbbüs və yeniliklərin Lənkəran-Astara Regional Təhsil İdarəsi tərəfindən dəstəkləndiyini bildirib.

Qeyd edək ki, sözügedən müsabiqənin ilk turu artıq başa çatıb və regionumuz üzrə 11 layihə finala vəsiqə qazanıb. Finalçılarımıza uğurlar arzulayırıq!

#LənkəranAstaraRTİ #EduAz #ElmVəTəhsilNazirliyi #MÜTDA #ARTİ #Müsabiqə #SabahınAlimləri #SabahınAlimləriXIV #XIVRespublikaLayihəMüsabiqəsi