İlk olaraq şagirdlərimizin əl işlərindən və qalib layihələrdən ibarət sərgiyə baxış keçirilib.

Təltifetmə mərasimi şəhidlərimizin əziz xatirəsinin 1 dəqiqəlik sükutla yad olunması və Dövlət Himnimizin səsləndirilməsi ilə başlayıb.

Sonra Lənkəran-Astara Regional Təhsil İdarəsinin müdiri Bəhruz Mehdiyev tədbir iştirakçılarını salamlayaraq təhsilin önəmindən və keyfiyyətinin artırılması məqsədilə görülən işlərdən, cari ildə qazanılan uğurlardan və gələcək perspektivlərdən söhbət açıb. O, müəllim və şagirdlərimizin növbəti illərdə daha yüksək nəticələr əldə edəcəklərinə inamını vurğulayıb və onlara müvəffəqiyyətlər arzulayıb.

Daha sonra isə cari ildə region, respublika və beynəlxalq səviyyəli bilik yarışmalarında, təqdimat və yaradıcılıq müsabiqələrində qalib gəlmiş şagirdlər və onların müəllimləri, gənc nəslin təlim-tərbiyəsi sahəsində nailiyyətlərinə görə təhsilverənlər fəxri fərmanlarla, iki müəllimiz isə “Azərbaycan Respublikası qabaqcıl təhsil işçisi” döş nişanı ilə təltif olunublar.

Lənkəran rayon S.Əliyev adına Haftoni qəsəbə tam orta məktəbin şagirdlərinin hazırladığı “Xarıbülbül” rəqsi tədbirə xüsusi rəng qatıb.

Növbəti və daha böyük nailiyyətləri birlikdə paylaşmaq ümidi ilə 

#LənkəranAstaraRTİ #EduAz #MÜTDA #təltifetmə