Qarabağ Universitetinin İqtisadiyyat fakültəsinin dekanı Ceyhun Məmmədov və İctimaiyyətlə əlaqələr şöbəsinin müdiri Aytən Quliyeva Lənkəran-Astara Regional Təhsil İdarəsinin tabeliyində olan ümumtəhsil məktəblərinin qəbul imtahanında yüksək bal toplayan abituriyentləri ilə görüşüblər.

#Masallı və #Lənkəran şəhərlərində keçirilən görüş Azərbaycan Respublikasının Dövlət Himninin səsləndirilməsi və şəhidlərimizin əziz xatirəsinin yad edilməsi ilə başlayıb.

Hər iki tədbir Lənkəran-Astara Regional Təhsil İdarəsinin müdir müavini Rəhim Rəhimovun açılış nitqi ilə başlayıb. Görüşdə Aytən Quliyeva və Ceyhun Məmmədov təmsil etdikləri yeni və böyük potensiala malik Qarabağ Universiteti haqqında ətraflı məlumat veriblər. O cümlədən, ali təhsil ocağının fəaliyyət istiqamətləri, ixtisaslar barədə təqdimat nümayiş olunub.

Tədbirlərin sonunda Qarabağ Universitetində görülən işlər, hədəflər və gələcək planlar barədə geniş informasiya alan abituriyent və valideynlərin sualları cavablandırılıb.

#LənkəranAstaraRTİ #QarabağUniversiteti #KarabakhUniversity #tədbir