İyunun 17-də Lənkəran şəhər T.Bayraməlibəyov adına 2 nömrəli tam orta məktəbdə “Peşəkar idarəçi” müsabiqəsinin test imtahanı mərhələsi keçirilib.

Müsabiqədə iştirak hüququ qazanmış 88 nəfərdən 59-u test imtahanı mərhələsində iştirak edib.

Test imtahanında namizədlərə 80 dəqiqə müddətində tənqidi oxu bacarığı, məntiqi təfəkkür, əmək və təhsil qanunvericiliyi üzrə ümumilikdə 45 test tapşırığı təqdim olunub.

Qeyd edək ki, müsabiqənin məqsədi yerli təhsili idarəetmə orqanlarının fəaliyyətinə dəstək verəcək kadrları aşkar etmək, karyerasını təhsilin idarəolunması sahəsində qurmaq istəyən pedaqoji işçilərə dəstək vermək, təhsil sahəsində idarəetmə vəzifələri üçün gələcəkdə yaranacaq işçi ehtiyacını təmin etməkdir.