2018-2019-cu tədris ilində VI-VII siniflər arasında keçirilən V Məktəblilərarası Fənn Müsabiqəsində Riyaziyyat fənni üzrə III yer tutan şəhər 6 nömrəli məktəb-liseyin şagirdi Kərimli İbrahim Elnur oğlu, eyni fənn üzrə yüksək nəticə göstərən Boladi kənd 1 nömrəli tam orta məktəbin şagirdi Qafarzadə Zəhra Zaur qızı, şəhər 3 nömrəli tam orta məktəbin şagirdi Həbibli Ülvi Vahab oğlu və şagirdləri yüksək nəticə göstərdiyinə görə şəhər 6 nömrəli məktəb-liseyin riyaziyyat müəllimi Abbasova Gülarə Əvəz qızı Təhsil İnstitutu tərəfindən diplom və sertifikatlarla təltif olunublar.

Yanvarın 14-də Lənkəran Şəhər Təhsil Şöbəsinin müdiri Aslan İbrahimov onları Şəhər Təhsil Şöbəsinə qəbul edərək təbrik edib, diplom və sertifikatları onlara təqdim edib. Görüşdə ŞTŞ-nın müdir müavini Güloğlan Bağırov, metodist Zabitə Cəfərova iştirak ediblər.