Mayın 25-də Azərbaycan Respublikası Təhsil Nazirliyinin 19.04.2019-cu il tarixli, F-190 nömrəli əmrinə müvafiq olaraq Masallı Şəhərində “Nəsimi ili”nə həsr olunmuş intellektual oyun üzrə regional məktəb çempionatı keçirilib.

Yarışda Neftçala, Salyan, Biləsuvar, Cəlilabad, Masallı, Yardımlı, Lənkəran, Lerik və Astara rayonlarının komandaları iştirak edib.

Yarışın nəticəsinə görə Lənkəran rayonunun komandası qalib olub. Qalib komandaya çempionatın kuboku, medalı və hədiyyələr təqdim olunub.

Zona üzrə qalib komanda müvafiq televiziya kanalı tərəfindən həyata keçiriləcək televiziya çəkilişlərinə dəvət olunacaqdır.