Mayın 15-də Lənkəran rayonu M.Həsənov adına Şilavar kənd ümumi orta məktəbində  “Açıq qapı” günü keçirilib.

Tədbir ibtidai sinif şagirdlərinin ifasında “Sülh” kompozisiyası ilə başlayıb. Açıq səma altında “Fövqəladə hallarda davranış qaydaları” ilə əlaqədar şəhnə  nümayış etdirilib.

Məktəbin foyelərində  maddi-mənəvi irsimirz,  tariximiz, milli – mənəvi dəyərlərimiz, ədəbiyyat və folklorumuz, kino, müsiqi və texnologiya bölmələrində sərgilər, şagirdlərin ifasında şeirlər, mahnılar, rəqslər, səhnəciklər nümayış etdirilib.

Ayrı-ayrı siniflərdə kimya,coğrafiya, informatika fənlərindən açıq dərslər, “Flovers day” çərçivəsində, xarici dil vərdişləri  dinlənilib. IV sinifdə riyaziyyatdan viktorina  keçirilib.

Tədbir Milli birliyimizin rəmzi olan yallı rəqsi ilə başa çatıb.

Böyük maraqla qarşılanan  “Açıq qapı”  günündə Lənkəran Şəhər İcra Hakimiyyətinin, Təhsil Şöbəsinin rəsmiləri, yerli icra və bələdiyyə orqanlarının  nümayəndələri, valideynlər və məktəb rəhbərləri iştirak ediblər.