Dünya təcrübəsi göstərir ki, hər bir xalqın yaranmış tarixi imkandan bəhrələnərək, öz müstəqil dövlətini qurması, ilk növbədə lider amili ilə bağlı olmaqla onun yaradıcı təfəkkürü, siyasi əzmi, yüksək intellekti, qətiyyəti və dövlətçilik səriştəsi sayəsində gerçəkləşir. Milli tariximizə bu kimi keyfiyyətləri ilə öz adını əbədi həkk etmiş ümummilli liderimiz H.Əliyevdir. Məhz bu nadir tarixi sima XX əsrin sonunda xalqımızı əsrlər boyu can atdığı həqiqi müstəqillik amalına qovuşdurmuş, müvəqqəti tarixi ənənə əsasında yeni dövlətçilik konsepsiyasını irəli sürmüş, onun dayanıqlı inkişafı üçün etibarlı zəmin yaradıb.

Ümummilli liderimiz H.Əliyevin anadan olmasının 96-cı ildönümü hər yerdə olduğu kimi Lənkəranın ümumtəhsil məktəblərində də böyük  məhəbbət və ehtiramla qeyd edilib. Şəhər 1, 2, 3, 4, 5, 6, 7, 8, 9, 10 nömrəli, XDT gimnaziya, Liman şəhər 1, 2 nömrəli, Hirkan, Gərmətük, Haftoni, Nərimanabad qəsəbə, Şürük, Səpnəkəran, Sütəmürdov, Qumbaşı, Boladi 1, 2 nömrəli, Tükəvilə, Şağlaser, Viravul 1, 2 nömrəli, Gəgiran, Diryan,Tüədo kənd tam orta, Jidi, Alazəpin ümumi orta  və başqa məktəblərdə bu münasibətlə elmi-praktik konfranslar, dəyirmi masalar, söhbətlər, müzakirələr və dərslər keçirilib. Məktəblərdə ulu öndərin doğum gününə həsr olunmuş idman və bilik yarışları, rəsm, inşa müsabiqələri, təşkil olunub. Ayrı-ayrı məktəblərin şagirdləri rayon mərkəzində ulu öndərin abidəsinə və Heydər Əliyev Mərkəzindəki muzeyinə ziyarət edib.

10 may 2019-cu il tarixdə ümumtəhsil məktəblərinin pedaqoji kollektivləri mərkəzi meydanda ulu öndərin abidəsinə ziyarət edib, önünə tər gül-çiçək dəstələri qoyublar.