Mayın 1-də T.Bayraməlibəyov adına Lənkəran şəhər 2 nömrəli tam orta məktəbində  Lənkəran Şəhər İcra Hakimiyyəti, Şəhər Təhsil Şöbəsi və Yeni Azərbaycan Partiyası Lənkəran Şəhər Təşkilatı Gənclər Birliyinin birgə təşkilatçılığı ilə rayonun ümumtəhsil məktəblərinin IX-X sinif şagirdləri  arasında  müstəqil Azərbaycan dövlətinin qurucusu, qüdrətli dövlət xadimi və dahi siyasətçi Heydər Əliyevin anadan olmasının 96-cı ildönümünə həsr olunmuş  inşa yazı müsabiqəsi keçirilib.

Müsabiqədə iştirak edən şagirdlər Ümummilli lider Heydər Əliyevin dövlət quruculuğu, dövlətçiliyin qorunması və inkişafı sahəsində çoxcəhətli  fəaliyyəti  haqqında  bilik və düşüncələrini  qələmə alıblar.

Müsabiqə qalibləri Fəxri fərman və qiymətli hədiyyələrlə mükafatlandırılacaqlar.