12-14 mart tarixlərində Lənkəranın tam orta məktəbləri arasında “Şahin” hərbi-idman oyununun rayon birinciliyi keçirilib.

Açılış mərasimində Şəhər Təhsil Şöbəsinin metodisti Kamran Məmmədov çıxış edərək, iştirakçı komandalara uğurlar arzulayıb. “Şahin” hərbi-idman  oyununun  rayon  birinciliyində  rayonun  ümumtəhsil  məktəblərinin 50  komandası  iştirak edib.

Şəhər 6 nömrəli məktəb-liseyin komandası birinci, Ürgə kənd tam orta məktəbin komandası ikinci, Aşağı Nüvədi qəsəbə tam orta məktəbin komandası üçüncü yeri tutub.

“Şahin”hərbi-idman oyununun zona mərhələsində şəhər 6 nömrəli məktəb-liseyin  komandası iştirak edəcəkdir.