Mayın 13-də Boladi kənd 1 nömrəli tam orta məktəbində ibtidai siniflərin hazırladığı “Yol gedirik biz” vətənpərvərlik mövzusunda tədbir keçirilib. Tədbirdə Şəhər Təhsil Şöbəsinin aparıcı məsləhətçiləri Ramin Hüccətov və Cəmil Axundzadə, Boladi kənd 1 nömrəli tam orta məktəbin direktoru Elman Rzayev, müəllimlər və şagirdlər iştirak ediblər.

Tədbiri giriş sözü ilə açan Boladi kənd 1 nömrəli tam orta məktəbin direktoru Elman Rzayev çıxışında məktəblilərin ibtidai təhsil səviyyəsində vətənpərvərlik keyfiyyətlərinə  yiyələnməsinin  vacibliyini  vurğulayaraq,  keçirilən  tədbirin şagirdlərin dünyagörüşünün formalaşmasında mühüm əhəmiyyət kəsb etdiyini bildirib.

Şəhər Təhsil Şöbəsinin aparıcı məsləhətçisi Ramin Hüccətov çıxışında məktəblərdə keçirilən bu səpkili maarifləndirici tədbirlərin şagirdlərin dünyagörüşünün  formalaşmasında,  vətəndaşlıq  tərbiyəsində mühüm rolu olduğunu bildirib.Tədbirdə ulu öndər Heydər Əliyevin həyat və fəaliyyətini  əks etdirən slaydlar, şagirdlər tərəfindən hazırlanmış bədii kompozisiyalar və  rəsm əsərləri  nümayiş etdirilib.

Sonda tədbiri yüksək təşkilatçılıqla təşkil etdiyinə görə ibtidai sinif müəllimi Vurğunə Bağırovaya  təşəkkür elan edilib.