10 yanvar 2017-ci il  tarixdə Lənkəran Şəhər Təhsil Şöbəsinin əməkdaşlarının iştirakı  ilə rayonun Vilvan  tam orta məktəbində   2017-ci ildə ümumi orta təhsil səviyyəsi ( 9 illik) üzrə buraxılış imtahanının yeni modelinə dair  zona seminarı  keçirilmişdir                         

Seminarda rayonun Girdəni,İstisu, Sinovli, Vilvan, Tükəvilə, Diryan, Jidi, Xarxatan, Tatova, Osaküçə, Gəgiran, Havzava, Zövlə, Separadi, Viravul 1,2, Tüədo, Köhnəgəgir, Şağlaser ümumi Şağlaser tam orta,Türkəncil, Moloja, Günəhir, Çay fabriki məktəblərinin dilədəbiyyat və riyaziyyat fənn müəllimləri iştirak etmişdir.

ŞTŞ-nın metodisti R.Mirzəzadə Azərbaycan Respublikasının Nazirlər Kabinetinin  12 dekabr 2016-cı il  tarixli, 498 nömrəli qərarı ilə təsdiq olunmuş “Ümumi təhsil pilləsində    yekun   qiymətləndirilməsinin (attestasiyasının) aparılması  qaydaları haqqında” Təhsil Nazirliyinin hazırladığı slaydlar əsasında  dəyişiklik  və yeniliklər barədə ətraflı məlumat vermişdir.                                                                                                   

ŞTŞ-nın metodistləri S.Kələntərli, V.Həsənov Azərbaycan dili və riyaziyyat fənləri üzrə buraxılış imtahanı proqramı, test tapşırığı nümunələri və qiymətləndirmə meyarları haqqında məlumat vermiş və dinləyiciləri maraqlandıran  sualları cavablandırmışlar.