13 iyun 2016 – cı il tarixdə R.Həsənov adına Viravul kənd 1 № - li tam orta məktəbində şəhid Həsənov Rüfət Şakir oğlunun doğum gününə həsr olunmuş tədbir keçirildi. Tədbirdə məktəb kollektivi, şəhidin atası Şakir Həsənov, qohumları , yerli icra və bələdiyyə orqanlarının rəhbərləri və başqa qonaqlar iştirak edirdilər.

Əvvəlcə tədbir iştirakçıları məktəbin ərazizində olan şəhidin büstünu ziyarət etdilər. Tədbirdə məktəbin şagirdləri şəhidin həyatı və döyüş yolu haqqında ətraflı məlumat vermişlər. Sonra məktəbin direktoru Azər Rəcəbli və digər qonaqlar çıxış edərək şəhid Rüfət Həsənovun qəhrəmanlığı və vətənpərvərliyi ilə bağlı danışdılar. Şəhidin atası Ş. Həsənov çıxış edərək oğlu Rüfət Həsənovun xatirəsini əziz tutduqlarına görə məktəbin rəhbərliyinə və pedaqoji kolektivinə təşəkkürünü bildirdi. Tədbirdə Şəhər Təhsil Şöbəsinin aparıcı məsləhətçisi Sabir Əliyev iştirak edirdi.